الأفلام الإباحية

الأفلام الإباحية منتشرة جدا الأيام دي وسهل توصلها، حرفيا في ثواني تقدر تجيب اي حاجة انت عايزها

لكن لو أنت حابب تعيش حياة نضيفة، ولو انت حابب ترضي ربنا.. الكلام ده ليك

فيه آيه بتقول:
"فَأَمِيتُوا أَعْضَاءَكُمُ الَّتِي عَلَى الأَرْضِ: الزِّنَا، النَّجَاسَةَ، الْهَوَى، الشَّهْوَةَ الرَّدِيَّةَ، الطَّمَعَ الَّذِي هُوَ عِبَادَةُ الأَوْثَانِ"
‏‏ كولوسي ٣:‏٥‏‏

الموضوع مش هزار.. الإباحية بتشوه روحك وبتخليك مسخ وبتقلل صورتك في عنين نفسك... وبتقلل صورة الناس في عينيك

ولو انت خادم وبتتفرج وبتروح الكنيسة بعدها، ده بيحسسك أنك بتمثل او بتدعي الصلاح

مش بقول أن ده غلط، لا طبعا أما تغلط قوم وأعمل الف حاجة كويسة
لكن أنا بتكلم أنها بتسيبك وسط صراع نفسي ملهوش حدود. طب ليه!؟

هقولك 5 حاجات يساعدوك

أول حاجة : اعرف الفن الاباحي على حقيقته.‏ الاباحية عبارة عن فن بيرخص اللي ربنا كرمه. ربنا كرم جسدك جدا
!وبيقولك أنه ساكن فيه، تقوم ترخص جسدك بالشكل ده

تاني حاجة : مش هقعد لوحدي،  مش هسمح لدماغي تحور عليا... لأ. سابوني لوحدي في البيت هنزل
هخرج هعمل اي حاجة أكسر بيها الطقوس اللي هتخليني أقع علي دماغي

تالت حاجة وأهم حاجة : خد علي نفسك التزام بجد، خليك راجل... اسأل نفسك سؤال حقيقي: أ تريد أن تبرأ؟؟ عايز بجد؟

وصدقني وقت ما هتعوز هتعرف تستحمل كل السكة الصعبة

رابع حاجة : شارك، شارك أب اعترافك .. اتكلم معاه وقوله ساعدني وشجعني أول ما أحس أني عايز انتكس

خامس حاجة : افتكر دايما أنك كل مرة قلت فيها لأ. أنت انتصرت. ف روح فرح قلب ربنا بانتظارك ده... وأطلب منه قوة أنك تبطل مرة كمان لانه قادر ان يفعل أكثر جدا مما نطلب او نفتكر.