الواد بيعيط ليه؟

!الواد بيعيط ليه؟...الواد زعلان كده ليه -
........أكيد عايز شيكولاتة -

موقف ساخر بيحكي مشاعر طفولة و احتياجات طفل اللي بتتمثل في اشياء تبان لينا تافهة و كتيير مابتكون كوميدية... لكن هي في نظر الطفل ده ممكن تكون نهاية الكون

كتير ما بتكون معاملتنا مع ربنا زيها زي الطفل ده اللي نفسه في الحاجة و بيتخيل حجم سعادته بيها و قد ايه ربنا ده قاسي انه مش بيستجيب لاحتياجاتي اللي انا شايفها هتبقي سر سعادتي

مشكلتنا اننا بنبص بنظرتنا المحدودة غير مدركين نتيجة الحاجة دي زينا زي الطفل اللي مش مدرك ان الشوكلاتة دي ممكن تبقي مضره ليه لو هو عنده سمنة مفرطة أو عنده سكر مثلا. و ان باباه بيعمل كده عشان بيحبه و خايف عليه

!طيب نعمل ايه انا نفسي في حاجة و ربنا مش بيحققها؟

اهم من انك تطلب طِلبة من ربنا، هو انك تصلي ان ربنا يفتح عينك و يفهمك و يملي قلبك بشبع يغنيك عن الحاجة دي؛  وخلي عندك ثقة دايما ان ربنا عمره ما يمنع عنك الخير و الفرحة لكن بيرتب الصالح ليك دايما مادام مسلم حياتك له.

نطلب دايما بالآيه دي: (( فَأَعْطِ عَبْدَكَ قَلْبًا فَهِيمًا ))

اَلْمُلُوكِ ٱلْأَوَّلُ 3:9